ᲮᲔᲚᲝᲡᲜᲔᲑᲘᲡ ᲡᲐᲔᲠᲗᲐᲨᲝᲠᲘᲡᲝ ᲓᲦᲔ ᲡᲝᲙᲐᲠᲗᲐᲜ ᲓᲐ CARU-ᲡᲗᲐᲜ ᲔᲠᲗᲐᲓ

ხელოსნების საერთაშორისო დღესთან დაკავშირებით, სოკარმა და CARU-მ ტრადიციულად ერთობლივი კამპანია განახორციელეს, რომლის მიზანი ავტოინდუსტრიაში დასაქმებული პროფესიონალი ხელოსნების წარმოჩენა და მათი საქმიანობის დაფასება იყო.

კამპანიის ფარგლებში გამარჯვებულები ოთხ კატეგორიაში გამოვლინდნენ:

·      ძრავის საუკეთესო სპეციალისტი

·      ღებვის საუკეთესო სპეციალისტი

·      სავალი ნაწილების საუკეთესო სპეციალისტი

·      ელექტრობის საუკეთესო  სპეციალისტი

ასევე დასახელდა დამატებითი ნომინაციის - „დამალული ტალანტის“ გამარჯვებული.

თითოეულ გამარჯვებულს სოკარისგან 5 000 ლარის ოდენობის ფულადი ჯილდო გადაეცა. პროექტმა კიდევ ერთხელ გაუსვა ხაზი პროფესიული შრომის მნიშვნელობას და იმ ადამიანების როლს, რომლებსაც ყოველდღიურად მნიშვნელოვანი წვლილი შეაქვთ ავტოსერვისის სფეროს განვითარებაში.